Na última OPE de facultativos colleu praza no servizo de admisión un médico de Vigo. Segundo a CIG Saúde, este facultativo non chegou nunca a incorporarse ao hospital de Monforte, porque se lle concedeu unha comisión de servizo e marchou para Vigo.

Sinalan desde o sindicato que acto seguido sae convocatoria desta praza como reserva de praza, “Dita praza cóllea outro facultativo que tampouco chega a pisar o noso hospital, sona todo un pouco raro, non? Este facultativo substituíse hai case dous anos cun enfermeiro nomeado a dedo, sin ningún tipo de requisito nin proceso selectivo.”

Segundo a CIG Saúde substituíuse un facultativo por un enfermeiro sen pasar ningún tipo de proceso selectivo. E agora aseguran que hai outro facultativo que vai quedar en Lugo por un motivo persoal, pero si denuncian é que se vai cubrir a praza do mesmo xeito que a anterior; o que supón falta de transparencia ao non pasar o proceso selectivo correspondente.

A CIG Saúde asegura que “para rematar a desfeita estas dúas persoas son contratadas, e decir non teñen plaza en propiedade, co cal se lles está blindando un contrato de por vida ata que a xerencia decida. E ainda mais é un agravio comparativo para todo o persoal do hospital que ten a súa praza xa que non poden acceder a estas prazas de ningún xeito, nin a través de acomodos internos, nin por medio dun proceso selectivo.