O sindicato insiste en que houbo prazas dadas a dedo e que; polo tanto, o xerente minte cando di que non son prazas de admisión, “Son dúas prazas creadas a dedo para dúas persoas contratadas, as que se lles blinda o seu contrato, xa que si estiveran nunha interinidade coma él di, terían que cesar nos acomodos internos e esto non vai suceder. Minte cando dí que non son prazas de nova creación, xa que non existían neste hospital, e no lugar no que estas persoas tiñan a interinidade contratáronse dous acúmulos.”
Lamenta o sindicato que pola contra, cando teñen pedido aumento de persoal para as plantas, se lles informara de que dependía de Santiago.
En canto ás prazas de especialistas a CIG Saúde asegura que seguen as mentiras, “Agora mesmo neste hospital falta un dixestivo e están sen cubrir as baixas dunha cardióloga e unha pediatra. Ademais tampouco contamos xa nin cun médico codificador nin en admisión. E por si isto fora pouco tampouco temos xa Subdirector de Xestión e dende hai tempo falta tamén o enxeneiro en meantemento.”