O municipio de Monforte de Lemos baixou o pasado sábado ao nivel medio de restricións e é o único concello de Galicia que se atopa neste momento nesa situación -todos os demais están no baixo-, unha circunstancia provocada pola incidencia do coronavirus no municipio, que tamén se deixou notar na presión asistencial sobre o hospital monfortino.

O Hospital de Monforte de Lemos conta con 10 persoas ingresadas en planta, mentres que no HULA están internados catro pacientes na unidade de Hospitalización e outros catro na de Coidados Intensivos. Só un paciente está ingresado no Hospital Público da Mariña.

Os contaxios caeron nas últimas 24 horas na área sanitaria, dado que só foron diagnosticados cinco casos novos, o que tamén inflúe no descenso que se produciu na cifra de casos activos, que queda en 356. Desde comezou a pandemia, curáronse na provincia de Lugo algo máis de 19.000 persoas, mentres que o coronavirus cobrouse a vída de 246 persoas.