InicioTerra de Lemossanidade"É mentira que vaian vir 21 médicos a Monforte", din dende Cig-Saúde

“É mentira que vaian vir 21 médicos a Monforte”, din dende Cig-Saúde

Dende este sindicato consideran que o Conselleiro de Sanidade "enganou á poboación de Monforte coas declaracións feitas o outro día en sede parlamentaria".

Publicado o

POR
Redacción
- Advertisement -

O sindicato Cig-Saúde no Hospital Comarcal de Monforte desacredita o anuncio que fixo o Conselleiro de Sanidade, Julio García Comesaña, en sede parlamentaria o pasado 22 de febreiro.

“É mentira que vaian vir 21 novos médicos a Monforte, desas 21 prazas que anuncia o conselleiro, 16 xa están traballando en Monforte; o que se fai é que pasan de interinos a ter unha praza en propiedade. Cousa que nos parece moi ben porque é o que levamos pedindo dende Cig-Saúde dende anos atrás”, afirman dende a delegación sindical no hospital monfortino.

E engaden “os que xa están traballando aquí serían 5 internistas, 3 cirurxiáns, 2 xinecólogas, 2 traumatólogos, 1 otorrino e 2 anestesistas”.

Segundo comunican dende Cig-Saúde no Hospital Comarcal de Monforte, actualmente faría falta cubrir as seguintes prazas: 1 dixestivo, 1 dermatólogo, 1 pediatra e 1 rehabilitador, e esta OPE sería adiantarse á OPE de estabilización convocada polo Goberno Estatal e obrigados pola Unión Europea.

Alén do referido en relación ás prazas de especialistas en medicina, no resto de traballadores/as tamén denuncian carencias. “Van cesar a 2 técnicos de laboratorio, un este mes e outro para o que vén. Técnicos que son totalmente necesarios debido ao que aumentaron as cargas de traballo. E tamén estaremos moi pendentes de 2 TCAE e 3 celadores do servizo de urxencias que nos chegan rumores de que tamén os queren cesar”, comentan dende a delegación Cig-Saúde no Hospital de Monforte.

Abondando neste comunicado lembran que están a pedir un aumento do persoal de enfermería, sobre todo en quenda de noite, “seguimos a ser o único hospital de Galiza que ten unha soa enfermeira para atender 28 camas”, sentencian.

ÚLTIMAS

“Foto Nuevo. Unha ollada cara ao pasado”, inaugúrase este venres ás 19:00h na casa da cultura de Monforte

Este venres, 23 de febreiro, ás 7 da tarde, José Tomé Roca, inaugura na...

Pablo Álvarez, con raíces en Sober, está na Antártida co Exército de Terra

Pablo Álvarez, que actualmente reside en Zaragoza por motivos laborais, estivo toda a súa...

O alcalde de Monforte recibe ó novo inspector xefe da Policía Nacional

O encontro foi unha primeira toma de contacto e serviu para facer un repaso...

Raquel Arias destaca as inversións da Xunta no patrimonio histórico da Ribeira Sacra

A deputada popular, Raquel Arias, indica que, nos últimos anos, a Xunta destinou 5,2...