InicioTerra de LemossanidadeHomenaxe aos case 200 profesionais xubilados no 2022 da área sanitaria de...

Homenaxe aos case 200 profesionais xubilados no 2022 da área sanitaria de Lugo, A Mariña e Monforte

A Xunta rendeu homenaxe aos máis de 180 profesionais sanitarios da área sanitaria de Lugo, A Mariña e Monforte de Lemos, que se xubilaron no ano 2022. A xerente do Sergas, Estrella López-Pardo, presidiu o acto de recoñecemento aos traballadores, dos que destacou que “exemplifican que a sanidade pública galega ten no seu persoal o seu capital máis importante”.

Publicado o

POR
Redacción
- Advertisement -

No acto do que tamén participou o xerente da área sanitaria, Ramón Ares Rico e membros do equipo directivo, a xerente da sanidade galega trasladou aos profesionais xubilados o seu agradecemento polo traballo, entrega e compromiso, destacando a súa profesionalidade e calidade humana. “Sodes máis que un excelente equipo de profesionais, sodes unha familia chea de persoas dunha enorme talla humana” -destacou-.

A xerente lembrou que a sanidade representa en Galicia case o 40% dos fondos da Xunta, e nesta área sanitaria manéxase un orzamento de máis de 592 millóns de euros. “Sodes os responsables de que todo este investimento teña sentido e sirva para a mellora continúa da atención sanitaria”.

“Moitos de vós vivistes unha das transformacións máis importantes, a que supuxo a inauguración do Hospital Lucus Augusti, e, hoxe en día, este hospital non deixa de avanzar e de sumar novos servizos e novos equipamentos”, -dixo a xerente-, quen tamén remarcou que “os hospitais da Mariña e Monforte de Lemos son dúas pezas fundamentais na atención sanitaria, dous hospitais que non deixan de crecer e achegar cada vez máis servizos á veciñanza dos seus distritos”. Tres centros “que foron claves no proceso exemplar de vacinación masiva levada a cabo polo persoal de enfermería”.

Tamén incidiu a xerente nas melloras no ámbito da atención primaria, e puxo como exemplos o centro de saúde Illas Canarias, que foi pioneiro na posta en marcha do XIDE, ou o centro de saúde de Vilalba, clave na posta en marcha dos plans locais de saúde.

A xerente non quixo esquecer a ningún dos profesionais xubilados, e citou a “facultativos, persoal de enfermería, auxiliares, celadores, persoal de servizos e xestión, técnicos e todos os demais profesionais que contribuídes ao bo funcionamento do servizo público de saúde”.

“Sen dúbida, sodes o mellor reflexo do que significa a sanidade pública galega, e sodes o mellor exemplo que podemos tomar para seguir mellorando e non perder nunca este bo rumbo”, -insistiu a xerente-, lembrandolles que “na sanidade pública galega sempre teredes a vosa segunda casa”.

ÚLTIMAS

Fin de semana de Fam Trip na Ruta do Viño da Ribeira Sacra

A Ruta do Viño da Ribeira Sacra celebra do 24 ao 26 de maio...

O alcalde de Bóveda na creacion da Comisión de Políticas de Auga, Medio Ambiente e Economía Circular

O alcalde de Bóveda, José Manuel Arias, participou recentemente en Madrid na reunión da...

Fotografías gañadoras do Certame ‘Fotoxénica Mente VII’ da Asoc. Albores

Xa se coñecer os gañadores e a gañadora do Certame de Fotografía "Fotoxénica Mente"...

Estudantes de Monforte e Vigo álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...