InicioTerra de LemossanidadeCSIF denuncia a sobrecarga de traballo do persoal de admisión do distrito...

CSIF denuncia a sobrecarga de traballo do persoal de admisión do distrito sanitario e esixe solucións

CSIF remite un escrito á Dirección de Recursos Humanos alertando da tensión que se está producindo entre pacientes e traballadores pola continua reprogramación de citas nos centros do distrito sanitario de Monforte.

Publicado o

POR
Redacción
- Advertisement -

CSIF Monforte insta á Dirección de Recursos Humanos da área Sanitaria de Lugo a adoptar de forma urxente medidas que palíen a sobrecarga de traballo e a situación de desborde que sofre o persoal de admisión de atención primaria (PSX) nesta zona.

CSIF denuncia nun escrito “a preocupante realidade que viven diariamente estes traballadores/as debido á falta de previsión por parte do SERGAS, que os obriga a enfrontarse a un volume de traballo inasumible, con continuos cambios nas axendas e falta de coordinación nas mesmas.”

A Central Sindical asegura que “cando o número de facultativos presentes diminúe a 4, os PSX vense obrigados a pechar axendas a partir das 12.00 H e reprogramar máis de 500 citas, e cando diminúe a 3, só se atenden emerxencias”.

Advirten desde o sindicato que estas situacións están a provocar unha tensión adicional entre persoal e pacientes, que ven minguadas a súa asistencia sanitaria con demoras e cambios de citas, “os pacientes derivan a súa decepción cara a este persoal tanto telefónica como presencialmente, pois estes traballadores son o primeiro punto de contacto dos pacientes co servizo”.

Nesta situación CSIF reclama:

  • Mellorar a coordinación entre a Dirección Provincial e os Centros para que o persoal de Admisión teña acceso anticipado ás axendas, permitindo unha planificación adecuada.
  • Garantir a dotación suficiente de facultativos desde a Dirección Provincial para cubrir baixas e permisos, informando con anticipación ao persoal de Admisión para coordinar o servizo e reorganizar as axendas, evitando as tensións mencionadas.

Conclúen dede CSIF que “salvagardar a saúde laboral dos profesionais é fundamental para manter a calidade na atención aos pacientes.”

ÚLTIMAS

Sober pon en marcha o proxecto ‘O SAF actívate’

O Concello de Sober pon en marcha o proxecto ‘O SAF actívate’ co que...

Bóveda sementa a igualdade nos equipos locais de fútbol

O Goberno local de Bóveda prosegue coa campaña ‘Sementando igualdade’, que esta vez chegará...

Reestablécese o subministro de auga nas parroquias de Monforte

A avaría, que tivo lugar o pasado día 26 de febreiro, provocou unha falta...

O PP de Monforte acusa a Tomé “de tapar os problemas de abastecemento con bombas de fume como a supresión dos pasos a nivel”

A voceira do PP de Monforte, Katy Varela, tras ver como que as parroquias...