A concentración deste sábado é a segunda que se fai en Chantada, no prazo de un mes, dando mostra do malestar social pola falta de médicos no centro de saúde. Denuncian que “as xubilacións, vacacións e baixas non se cobren, sanitarios desbordados, pacientes que esperan citas de atención primaria durante semanas, citas que se cancelan, ou pacientes que acoden ao centro de saúde cunha cita e infórmanos que o seu médico ou enfermeiro de referencia non está e non serán atendidos.”

A plataforma Chantada Quere Sanidade asegura que a situación non se pode manter, “unha atención sanitaria deficiente tarde ou cedo afectará á saúde xeral da poboación”. Ademais de ler un manifesto e informar das últimas problemáticas, recolléronse firmas e prepárase unha manifestación masiva en xaneiro.

Tamén durante a concentración, a plataforma lamentou “a falta de implicación do concello por non apoiar coa sua presenza esta iniciativa, que defende os intereses dos cidadáns.”

Chantada quere Sanidade concentración / CqS