HomeTerra de LemossanidadeO centro de saúde de Monforte baixo mínimos, denuncian Pladesapu e Esperta...

O centro de saúde de Monforte baixo mínimos, denuncian Pladesapu e Esperta Monforte

"Todos entendemos que nestas datas, as solicitudes de vacacións, días libres e baixas son un dereito lexítimo de calquer traballador, pero tamén é obriga do Sergas a cobertura destes permisos, e non anular a maioria das axendas médicas do mes de decembro sen aviso previo aos pacientes ou a imposibilidade de pedir citas", critican desde Pladesapu.

Publicado o

POR
Redacción
- Advertisement -

A Plataforma en Defensa da Sanidade da Zona Sur, leva meses advertindo da falta de persoal no centro de saúde de Monforte, con especial preocupación pola falta de pediatras. “A situación segue a ser a mesma con decenas de nenos citados para 1 só pediatra e 1 soa enfermeira, de modo programado e por urxencias; provocando o caos, a sobreexplotacion da unica pediatra e a indignación de nais e pais, enfadados polas esperas e a falta de coordinación dunha situacion denunciada moitas veces”, aseguran desde a plataforma.

Insisten en que se leva moito tempo nesta situación con revisións protocolarizadas que se retrasan mais de 4 meses, no caso de pediatria. Nesta situación volven a esixirlle á Xerencia de Atención Primaria a resolución deste problema “que repercute nun dos colectivos máis vulnerables da sociedade”.

Pola súa banda, Esperta Monforte destaca unha vez máis o “deterioro imparable” da sanidade pública en xeral, e en Monforte en particular, dende a perda da Área Sanitaria. “O menoscabo da atención especializada concrétase no aumento de listas de espera, perda de servizos e especialistas no hospital, e a necesidade de desprazarse a Lugo por patoloxías  que antes podían ser atendidas aquí”, asegura a formación política.

A situación agrávase ao sumarse a atención primaria, “existen plantillas incompletas, non se cobren postos vacantes, hai menos persoal e con maior sobrecarga de traballo o que redunda nunha asistencia de peor calidade. Este luns o Centro de saúde de Monforte viviu un dos seus peores días nos últimos meses o que motivou as queixas repetidas dos usuarios”, sinalan desde Esperta Monforte, ao referirse a algunhas familias que tiveron que desprazarse ao Hospital de Ourense por urxencias, dada a demora en ser atendidas.

Espertamonforte solicita á Conselleria de Santidade da Xunta de Galicia un compromiso e un investimento acorde para mellorar a Sanidade Pública, “servizo imprescindible e irrenunciable”.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...