A Plataforma en Defensa da Sanidade Pública da zona sur levaba esta moción a pleno co obxecto de que os partidos apoiasen peticións que consideran fundamentais para que a Sanidade non esmoreza na contorna.

Reivindican incremento do orzamento sanitario, o aumento do persoal facultativo e de enfermaría, e a devolución da Área Sanitaria a Monforte, “que comportaría dispór de orzamento propio e, polo mesmo, de capacidade de inversión e gasto”.

A moción foi apoiada polos grupos municipais de PSOE, BNG e Esperta Monforte e contou coa abstención do Partido Popular. Demandábase tamén ao pleno o apoio e participación na manifestación coa que o pobo galego protesta pola desastrosa situación da Sanidade Pública en Galicia. A concentración o 4 de febreiro ás 12:00 na Praza do Obradoiro convocada por SOS Sanidade Pública