O restaurante está no Lugar de Francos, en Doade –Concello de Sober–, e comenzou a súa actividade o 25 de xullo de 2015. Todos os anos por estas datas acostumaba a facer un gran acto de celebración, sen embargo este ano, dada a situación pandémica de limitación de aforos, a xerencia desbotou celebrar un gran acto e decidiu organizar 3 eventos ao longo do mes de xullo.

O primeiro dos actos terá lugar este mesmo domingo 11 de xullo, será un menú degustación a doce mans no que acompañarán ao xefe de cociña de Merenzao Carlos J. González os cociñeiros Alén Tarrío (Pampín Bar), Javier Alonso (O Eirado da Leña) e Juan Perret (Kero), completan o cartel o sumiller Jacobo Mojón (sybaris 2.0) e o barista Sebastián Eduardo González (Sebaristas do grupo Do Noso).

O segundo evento terá lugar a noite do 24 de xullo e consistirán nunha cea degustación composta polos pratos máis característicos da traxectoria de Merenzao nestos 6 anos de vida acompañados con música en directo dun trío de Jazz.

O terceiro evento consistirá nunha sesión “ChillOut” da man do músico Monfortino Aser Rodríguez durante o lusco fusco e maridada con tapas e viños no xardín das instalacións de Adegas Petrón (onde reside Merenzao).

Carlos J. González cre que con todos estos actos ademais de festexar os 6 anos do restaurante poderán axudar a xerar ilusión na comarca e promocionar a Ribeira Sacra como destino turístico seguro.