A deputada popular, Raquel Arias, indica que, nos últimos anos, a Xunta destinou 5,2 millóns de euros á conservación, rehabilitación e mantemento de distintos elementos arquitectónicos da comarca. Puxo como exemplos o colexio Cardenal, de Monforte de Lemos; a igrexa de Santo Estevo de Ribas de Miño, nO Saviñao; o mosteiro de Santa María de Ferreira, en Pantón; o xacemento romando de Proendos, en Sober; ou as pinturas de Pinol e de Lobios; tamén en Sober.

No caso da igrexa de San Vicente de Pinol restaurouráronse as pinturais murais renacentistas, que datan do século XVI e están relacionadas coa escola de pintura hispanoflamenca, figurando entre os elementos máis importantes que se conservan no conxunto da Ribeira Sacra.

En total, a administración autonómica achegou 7,2 millóns a 44 bens deste tipo nas provincias de Lugo e Ourense no ánimo de impulsar a candidatura a Patrimonio Mundial da Unesco e coa conservación do patrimonio cultural de Galicia.