A Irmandade Cultural País do Faro organiza a presentación da revista Alicerces en Monforte. O acto terá lugar o vindeiro sábado 20 de outubro a partir das 20,00 horas no centro do Viño (Rúa do Comercio, 6). Na presentación está prevista a intervención do Alcalde de Monforte, José Tomé, e do investigador monfortino Felipe Aira. Tamén intervirán o director da revista, Xosé Méndez, e o presidente da Irmandade, Andrés Pavón.

No evento presentarase o terceiro tomo da revista e farase un repaso polos dous anteriores números, que non foran presentados en Monforte. Alicerces contén estudos e artigos de investigación relativos a concellos da Ribeira Sacra bañados polo río Miño: Carballedo, Chantada, Pantón, O Saviñao e Taboada.