InicioEconomíaMelloras para o 'xeocamping' de San Clodio

Melloras para o ‘xeocamping’ de San Clodio

Xunta de Galicia e Concello de Ribas de Sil investirán 70.100 euros en obras de urbanización e humanización da parcela na que se asenta.

Publicado o

POR
Redacción
- Advertisement -

Segundo palabras do delegado territorial de Lugo, Javier Arias, as obras proxectadas para o ‘xeocamping’ de San Clodio, no Concello de Ribas de Sil, servirán para “continuar coa súa aposta por este espazo que está chamado a ser un elemento dinamizador do desenvolvemento turístico, social e cultural do municipio”.

Javier Arias realizou unha visita a este recinto o venres 18 de marzo xunto co alcalde, Miguel Ángel Sotuela, e aproveitou para informar das melloras e traballos a realizar no espazo. O investimento total da actuación será de 70.100 euros e as obras están cofinanciada nun 70% pola Consellería de Medio Ambiente, Territorio e Vivenda a través do plan Hurbe, mediante un convenio polo que o concello asumiu a elaboración do proxecto e o departamento autonómico a contratación da execución e dirección das obras.

ACTUACIÓNS DE MELLORA

Os traballos consistirán na mellora dos accesos ás actividades didácticas do exterior do museo, a modificación da entrada aos vestiarios e a mellora de vías en xeral, formando sendeiros peonís en lousa de cuarcita para o acceso aos bungalows.

Tamén se levarán a cabo actuacións de xardinaría, outras relacionadas coa rede de iluminación e acondicionamento da área de servizo para autocaravanas e aparcadoiro interior, e instalación de mobiliario urbano: bancos, papeleiras, fontes e sinais verticais. O prazo de execución das obras será de tres meses.

XEOCAMPING

O “xeocamping” é un proxecto presentado polo Concello de Ribas de Sil no 2019 como “o primeiro camping de Galicia no que os bungalows están construídos aproveitando contedores mariños reciclados”. A día de hoxe, e xa preto da súa inauguración, o complexo reúne un cámping turístico con 8 bungalows e o futuro Museo da Minaría Aurífera Romana na localidade de San Clodio.

Na construción do edificio do museo traballou un obradoiro de emprego da Xunta e o proxecto de musealización conta co apoio da Consellería do Medio Rural a través do Grupo de Desenvolvemento Rural (GDR) Ribeira Sacra-Courel.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...