A directora de Turismo de Galicia, Nava Castro, asinou hoxe os convenios de colaboración cos concellos por onde transcorre o Camiño Francés. Con esta sinatura, a Xunta de Galicia aportará o 77% do investimento necesario, preto de 360.000 euros, para reparar con carácter urxente os estragos causados polas choivas e os temporais dos últimos meses antes de que de comezo a época estival e aumente a afluencia de peregrinos.

Os convenios beneficiarán ós Concellos da provincia de Lugo de Pedrafita do Cebreiro, Triacastela, Samos, Sarria, Paradela, Portomarín, Monterroso e Palas de Rei.

“O Camiño de Santiago é unha obra en permanente mellora, un espazo vivo. Por iso, desde Turismo de Galicia acondicionamos os tramos que se van deteriorando co paso do tempo e actuamos con especial énfase cando, como neste caso, as condicións climatolóxicas dun inverno afectan ó trazado”, sinalou Nava Castro, quen resalta que “o 64% dos peregrinos amosan un grado alto de satisfacción da experiencia do Camiño, e un 98,6% recomendaríao”.