Os colexios Poeta Uxío Novoneyra de Folgoso do Courel e Lagostelle de Guitiriz acolleron dúas novas actividades do programa IlustrarNÓS, promovido pola Vicepresidencia da Deputación de Lugo coa colaboración dos centros educativos.

Polo Correo do Vento impartiu un obradoiro no que mesturaron narración oral e debuxo en directo para achegar o alumnado á obra de Maruja Mallo.

A vicepresidenta, Maite Ferreiro, achegouse ata o colexio do Courel onde a actividade reuniu a todos os nenos e nenas  de infantil e primaria. Na visita, entregouse ao centro un lote de libros, con títulos adaptados ás distintas idades.