HomeCulturaO concello do Saviñao achega a Papá Noel aos domicilios

O concello do Saviñao achega a Papá Noel aos domicilios

O Concello do Saviñao volverá a levar a Papá Noel polos domicilios dos veciños e veciñas na xornada do 24 de decembro, día de Noiteboa.

Publicado o

POR
Redacción
- Advertisement -

Con esta iniciativa, continúan as actividades de Nadal do Concello do Saviñao que xa deron comezo coa convocatoria do concurso de postais. A postal gañadora é a seleccionada para o calendario de Nadal do Concello.

O goberno local segue de preto a evolución dos casos de covid-19 no municipio. “Por prevención”, explica o alcalde, “o Concello suspendeu as actividades de Nadal previstas para celebrar en espazos interiores e revisará convenientemente o desenvolvemento daquelas previstas en exteriores”.

“O Concello quere contribuír a que este Nadal tamén sexa máxico e, polo tanto, repetimos a experiencia do ano pasado no que Papá Noel visitou casa por casa aos nosos veciños que así o solicitaron para facerlles entrega dun agasallo na porta dos seus domicilios respectando as medidas sanitarias”, explica o alcalde, Carlos Armesto.

Os interesados en recibir a visita de Papá Noel deberán inscribirse na Casa do Concello ou no teléfono 982 45 20 61 antes do 20 de decembro.

Co obxectivo de garantir a seguridade de todos, o encontro que se desenvolverá na porta de cada domicilio deberá cumprir coas medidas de prevención en materia covid que Papá Noel tamén respectará.  

ÚLTIMAS

Presentada en Monforte a campaña “Monforte en negro contra as violencias”

O Concello de Monforte vén de presentar a súa programación do 25N da man...

Transportes licita por 603.634€ obras para mellorar a seguridade viaria na N-540 e N-120

.O anuncio de licitación foi publicado na Plataforma de Contratación do Sector Público (PLACSP)...

Por Chantada presenta unha moción reclamando medidas urxentes de mellora na seguranza viaria

O grupo municipal Por Chantada – Interior Galego Vivo vén de presentar unha moción...

Afigal prestará servizos financeiros ás empresas asociadas a Ribeira Sacra Next

Afigal e a Asociación de Empresas Ribeira Sacra Next asinaron un convenio de colaboración...