A Secretaría de Acción Sindical de CC.OO. de Lugo fixo unha valoración moi negativa dos datos de paro relativos ao mes de decembro e tamén no conxunto de meses do rematado 2020. Neste senso puntualiza que “de non ser polos ERTES a situación sería desoladora para centos de familias do sur lucense”.
Por comarcas, os datos máis esperanzadores son os de Chantada que baixou o paro nos tres concellos, 20 persoas en total respecto ao mes anterior -suma 715- e os peores os da Comarca de Quiroga que subiu en 18 o número de persoas sen traballo e queda cun total de 318. A Comarca de Lemos remata 2020 con 1.913, 8 máis que en novembro, e Sarria tamén con 8 desempregados/as máis suma 1.259.
DATOS DESAGREGADOS POR CONCELLOS
Comarca de Lemos: Bóveda 60 (-3), Monforte de Lemos 1359 (+30), O Saviñao 171 (igual que no mes anterior), Pantón 118 (-16), Sober 124 (-6) e A Pobra do Brollón 81 (+3).
Comarca de Chantada: Taboada 111 (-6), Carballedo 75 (-8) e Chantada 529 (-6).
Comarca de Sarria: O Incio 58 (+2), Láncara 123 (-8), Paradela 47 (+3), O Páramo 49 (-2), Samos 43 (+1), Sarria 911 (+11) e Triacastela 28 (+1).
Comarca de Quiroga: Folgoso do Courel 55 (+4), Ribas de Sil 65 (+9) e Quiroga 198 (+5).
