As actividades do ciclo ’A Caída da Folla na Ribeira Sacra 2020’, do cal informabamos días atrás neste medio, non se suspenderán e seguirán adiante segundo o programado. Farano, iso si, con especiais medidas de control para garantir a seguridade dos/as participantes.
As novas medidas anunciadas pola Xunta de Galicia implican novas esixencias para a reorganización das mesmas como será adaptar os grupos a 4 participantes máis un monitor/guía/formador e facer fincapé sobre as distancias de seguridade e demais protocolos aplicables a cada caso. Aínda así, a organización asegura que será rigorosa coas medidas sanitarias e quere transmitir total confianza a aqueles que se apunten a participar.
Polo de agora, tampouco se rexistrou ningunha baixa na listaxe de reservas, algo que anima moito ao Consorcio de Turismo Ribeira Sacra para facer todos os esforzos necesarios e así poder manter a programación.
As reservas de calquera das actividades farase a través do correo electrónico turismo@ribeirasacra.org.