HomeMovementos sociaisCC.OO. defende os dereitos dun dependente monfortino

CC.OO. defende os dereitos dun dependente monfortino

Despois de varios anos reclamándolle ao Concello os beneficios de prezo nas horas de axuda no fogar, a xustiza dálle a razón. O sindicato apoiou en todo momento as súas reivindicacións.

Publicado o

- Advertisement -

O veciño dunha parroquia monfortina verá recoñecido, por fin, o seu dereito á rebaixa no prezo das horas do servizo de axuda no fogar, prestación que ten solicitada dende hai xa varios anos.

Segundo indican fontes de CC.OO., este nonaxenario tiña dereito a pagar as horas de axuda a domicilio a 3,09 euros e non a 8,06 -prezo estándar- dende o momento que solicitou este beneficio aos servizos sociais do Concello de Monforte, pero os acordos da Alcaldía e da Xunta de Goberno negáronllo reiteradamente.

Dende a Secretaría de Acción Sindical de Comisións Obreiras apoiaron en todo momento ao prexudicado dada a situación de inxustiza creada e as súas circunstancias persoais que facían imprescindible unha atención personalizada na súa propia casa ao ser tan maior e vivir só nunha parroquia do rural monfortino. Diante da negativa do Concello, que foi desestimando todas as reclamacións e recursos formulados polo interesado nestes últimos 2 anos, CC.OO. elevou a controversia á Xunta e interpuxo recurso contencioso-administrativo no seu nome.

Este pasado mes de xuño, o Tribunal do Contencioso Administrativo dáballe a razón ao reclamante monfortino e unha resolución da Xunta de Galicia, dacordo con este fallo xudicial, obriga ao Concello de Monforte a darlle o servizo de axuda a domicilio ao prezo reducido de 3,09 euros. Este importe correspóndelle en base aos seus ingresos e grado de dependencia, tal como solicitaba o nonaxenario.

Mario Docasar amosa a súa satisfacción tras esta resolución “esperando que non volvan a repetirse este tipo de decisións caprichosas por parte do Concello de Monforte e do Sr. Alcalde”. Así mesmo, insta a que Alcalde e Xunta de Goberno acaten o fallo e que devolvan o cobrado indebidamente nos anos que transcorreron por mor desta controversia.

ÚLTIMAS

Presentada en Monforte a campaña “Monforte en negro contra as violencias”

O Concello de Monforte vén de presentar a súa programación do 25N da man...

Transportes licita por 603.634€ obras para mellorar a seguridade viaria na N-540 e N-120

.O anuncio de licitación foi publicado na Plataforma de Contratación do Sector Público (PLACSP)...

Por Chantada presenta unha moción reclamando medidas urxentes de mellora na seguranza viaria

O grupo municipal Por Chantada – Interior Galego Vivo vén de presentar unha moción...

Afigal prestará servizos financeiros ás empresas asociadas a Ribeira Sacra Next

Afigal e a Asociación de Empresas Ribeira Sacra Next asinaron un convenio de colaboración...