Luís Ángel Rodríguez Patiño é o párroco de O Val De Xestoso, A Coruña, pero non é coma os demais. Acostumado a levarlle a contraria á xerarquía eclesiástica en moitos temas como a homosexualidade, o aborto ou o celibato, fala claro, rápido e ás veces di “coño” sen parar. Aínda que esta forma de actuar sabe que lle pasa factura, como así o demostran os expedientes que ten abertos, a el parece non importarlle.
Como non podía ser doutro xeito o ferrocarril, medio de transporte moi desfavorecido na provincia de Lugo, tamén foi o protagonista dos seus actos reivindicativos. Así, acompañado dun bo número de fegreses, viaxou ata o Museo do Ferrocarril de Monforte para reclamar a mellora da conexión entre Ferrol e Lugo.
No seu día pediu que se excomugara da Igrexa Católica ao Presidente do Goberno, Mariano Rajoy por “atentar” contra o dereito da vida de moitas familias que non teñen o necesario para vivir mentres que lle prestou cartos aos bancos para que se seguisen lucrando, ata polo feito de levar a cabo recortes na sanidade pública. Incoformista e compulsivo, tamén declarou que considera unha “aberración” e unha “blasfema” que os lexionarios leven a Cristo crucificado en procesión por exhibilo arrodeado de fusís.
