As redes sociais estanse convertendo, nestes días de corentena, nun dos principais modos de intercambiar información entre a cidadanía e a forma en que concellos, institucións e outros colectivos chegan á veciñanza. En moitos casos ofrécense alternativas de lecer para os máis cativos, como xa recollemos no Xornal de Lemos.
As redes do concello de Sarria optaron por achegar aos veciños información sobre a súa historia, a través dos nomes das rúas. Preguntan, por exemplo, se saben que en Sarria hai unha rúa da Liberdade? Reina Vitoria? Da República? Ou que a rúa Maior chamábase rúa Principal ata 1.888?.
Ademais de afondar na historia, tamén queren amosar a súa cultura a través da música e comezaron a recoller actuacións da Banda de Música de Sarria.
