IniciosociedadeO IES Daviña Rey prepárase para o novo curso

O IES Daviña Rey prepárase para o novo curso

É tempo de reserva de prazas no centro para os ciclos formativos, ESO e BACH pero tamén para acometer obras de cara á ‘nova normalidade’.

Publicado o

POR
Redacción
- Advertisement -

Falamos con Isaac González, o Director do IES Daviña Rey na cidade de Monforte de Lemos. Cóntanos que o pillamos bastante ocupado por ser os últimos días de reserva de prazas de cara ao vindeiro curso 2020/2021 e tamén porque están axeitando o centro para adaptalo ás necesidades sanitarias que se impoñen neste momento.

No que respecta á matriculación, o mércores 8 remata o prazo para anotarse nos Ciclos Formativos da FP. O de ‘coidados auxiliares de enfermería’ é o de ‘educación infantil’ teñen bastante demanda, estando o primeiro case completo.

No de ‘sistemas de telecomunicación e informáticos’ -grao superior-, outro que atrae moito á mocidade, quedan algunhas prazas mentres que no de ‘instalacións de telecomunicacións’ -grao medio- quedan algunhas máis, a demanda por agora non é importante. Aínda así, Isaac coméntanos que para setembro é posible que se cubran con alumn@s que rematan a ESO en setembro.

Outro dos clásicos, con dez anos de moita demanda, é o de ‘atención a persoas en situación de dependencia’. Neste caso as facilidades para poder realizalo son moitas sendo posible a matriculación en réxime diurno ou nocturno.

Para rematar a conversación co director comentamos que os ciclos relacionados coa mecánica do automóbil teñen saída profesional, con demanda de empresas da zona para facer prácticas e para contratación pois nestes momentos teñen certas dificultades para atopar xente. Baixou a demanda de alumnado pero hai demanda do mercado co cal é unha opción de futuro, anima a anotarse.

Para ESO e BACH o prazo para matriculación remata o vindeiro 10 de xullo.

ÚLTIMAS

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...

A Deputación urxe á Xunta a acometer o desdobramento da totalidade do corredor Nadela-Monforte

O Presidente da Deputación de Lugo, José Tomé Roca, evidenciou a necesidade de completar...