“O Hospital de Monforte invita aos especialistas a marchar”, asegura a CIG-Saúde

O sindicato amosa tamén a súa preocupación pola perda de servizos no centro de saúde de Pantón. Aseguran que neste centro de saúde había catro médicos ata o mes de marzo, mes no que marchou un médico que non se cubriu, e consideran que pasará o mesmo coa perda neste mes doutra médica.

Entrada principal do Hospital de Monforte / XdL

A CIG-Saúde asegura que a falta de especialistas no Hospital de Monforte segue en aumento e que no lugar de contratar novos especialistas desde a dirección convídase a marchar ao que hai. “A semana pasada producíuse un fito histórico neste hospital, a Directora deste centro non tivo outra ocurrencia que ofrecerlle a dous especialistas deste hospital, irse a traballar a O Barco. Dous especialistas que son grandes traballadores e que están contentos neste hospital, sinalan desde a CIG.

Lembran que na súa chegada a nova directora falou de defender o hospital e agora califican de “incrible que se propoña marchar aos que hai. Polo que vemos o único que busca é engordar curriculo, para as súas aspiracións persoais cedendo ás presións de Lugo”, afirma a CIG. Pídenlle á dirección que defenda o que se ten no hospital e busque os especialistas que se necesitan.

Perda de servizos médicos en Pantón

Refírense tamén desde a CIG-Saúde á situación da sanidade no concello de Pantón. O sindicato asegura que a reunión do director da EOXI co alcalde de Pantón foi un engano, “xa que ao final o SERGAS non vai cubrir a praza de médico no centro de saúde. So a cubrirán puntualmentesegún eles, é dicir, virá alguén de cando en vez, que o mellor nin é a mesma persoa e dentro dun tempo, deixará de vir.”

O sindicato afirma que neste centro de saúde había catro médicos ata o mes de marzo, mes no que marchou un médico que non se cubriu, e consideran que pasará o mesmo coa perda neste mes doutra médica. Lembran que no concello de Pantón a maioría da poboación ten máis de 60 anos e está moi dispersa, “Ata o de agora os tres médicos que quedaban tiñan de media 30 pacientes diarios, ao quedar dous médicos as consultas incrementaranse co prexuizo que esto lles causará tanto a pacientes coma a traballadores do centro.”

Concentración BNG Pantón médico / BNG Pantón

DEIXAR UN COMENTARIO

Please enter your comment!
Please enter your name here