A provincia de Lugo contará con 3 ambulancias medicalizadas, a de Lugo, a de Foz e unha nova ambulancia medicalizada, con base en Monforte, que prestará servizo a toda a áreas sanitaria do hospital monfortino.

Ademais auméntase o servizo de ambulancias en dous dos concellos máis rurais da provincia, Folgoso do Courel e Pedrafita do Cebreiro. Estes dous concellos contan cadaún coa súa ambulancia que fai 10 horas de servizo diarias, agora ese servizo amplíase a 24 horas todos os días.

José Manuel Balseiro destaca a importancia do esforzo sanitario que se fai desde a Xunta para mellorar estes servizos e enmarca a iniciativa “na aposta que a Xunta leva facendo desde o comezo da lexislatura polo rural galego.”