Éxito total na cuarta edición da Night Trail Quiroga, unha carreira e andaina nocturna que este ano contaba con dúas distancias: 9 quilómetros -andaina e trail- e 18 -só trail-.

A edición deste ano participaron arredor de 305 persoas e novamente houbo unha importante participación local, un dos obxectivos que perseguían dende a organización.

A saída desta proba tivo lugar ás 22:30h dende a Praza de España e os participantes foron chegando ao longo da noite. Antes da saída, houbo unha sesión de zumba-fitness e na chegada os participantes tiñan comida para repoñer forzas.

O 80% do traxecto transcorreu por pistas e carreiros, evitando na medida do posible o asfalto, un percorrido que fixo que os participantes puidesen gozar dunha espectacular estampa nocturna do val de Quiroga nunha noite de temperaturas moi agradables.

No trail de 18 quilómetros o primeiro en pasar pola liña de meta foi o participante no campo de traballo internacional, Juan Estevan Paredes, que completou o recorrido nun tempo 1h 8′ 33″, o segundo clasificado foi Emilio Gonzalez e o terceiro foi Juan Domínguez. Na clasificación feminina, a primeira foi Ludy Quintas Devesa, con 1h 47′ 32″, seguida de Laura Álvarez e de Raquel Doiro.

No trail de 9 quilómetros o primeiro clasificado foi Adrian Blanco Dieguez cun tempo de 43′ 9″, seguido por Jonatan Liébana e por Adrian Ledo. Na clasificación feminina, a primeira foi Sonia Méndez Pérez, con 51′ 33″, seguida de María Arias e de María Jesús Devesa.

Ademais dos trofeos para os gañadores houbo reparto de medallas conmemorativas para todos os participantes das diferentes probas.