O mércores 24 de xullo terá lugar en Carballedo o cursiño “Voa con nós”, no que os máis cativos entrarán en contacto co mundo dos drons, uns pequenos vehículos aéreos sen tripulación que se manexan a distancia. Terá lugar na Aula CeMIT, situada na Praza Victor Portomeñe da Barrela e os horarios fixaranse segundo as necesidades dos inscritos.

O obxectivo principal desta actividade é iniciar aos cativos no mundo dos drons e desenvolverase en dúas fases ben diferenciadas. Na primeira parte dos cursos explicarase que é un dron e o seu funcionamento e os participantes poderán pilotar un destes aparellos a través dunhas gafas FPV, que permiten visualizar o que grava a cámara incorporada nos drons. Na segunda parte poderán programar un tipo especial de dron denominado “Tello”.

“Voa con nós” é unha actividade organizada pola Axencia para a Modernidade Tecnolóxica de Galicia e o Colexio Profesional de Enxeñaría Informática de Galicia. Está dirixida a rapaces de entre 9 e 16 anos e para inscribirse é preciso chamar o teléfono 982 46 62 01.