O martes 30 de xullo a Peña Barcelonista Val de Lemos foi recibida polo Alcalde de Monforte, José Tomé, para celebrar o seu 15 aniversario. Sobre as 19:30 chegou ao Concello unha comitiva encabezada polo presidente da Peña, Luis Conde e o presidente da Federación de Peñas Barcelonistas de Galicia, Salvador Cerviño.
Neste acto tamén estiveron presentes diversos representantes do Fútbol Club Barcelona, como Ricardo Serna (ex-xogador), Julio Alberto Moreno (ex-xogador), Eduard Castro (entrenador do equipo de hockey patíns), Ignacio Alabart (xogador do equipo de hockey patíns) e Manolo Tomé (ex-xogador).
Durante a recepción interviron distintos participantes e, tras o discurso do Alcalde, tivo lugar un intercambio de obsequios. Ao finalizar o acto, os representantes do FC Barcelona asinaron o Libro de Honor do Concello e partiron cara ao Restaurante Don Manuel. Alí celebrouse un coloquio deportivo co título “El Barça del Siglo XXI”, seguido dunha cea de celebración.
