Os tres senadores do Partido Popular amosaron estes días a súa satisfacción pola confianza depositada neles de cara a desempeñar as responsabilidades que lles foron outorgadas, e manifestan o seu compromiso para “impulsar iniciativas que beneficien aos españois, aos galegos e aos lucenses, en particular”.
Ademais de voceiro de Economía, José Manuel Barreiro foi designado voceiro adxunto do Grupo Parlamentario Popular nesta Cámara; coordinador da Área Económica; vicepresidente da Comisión de Economía e Empresa; voceiro da Comisión de Incompatibilidades e vogal das seguintes Comisións: Ciencia, Innovación e Universidades e Xeral de Comunidades Autónomas.
A quiroguesa Rosa Arza formará parte as Comisións de Dereitos da Familia e Adolescencia, sendo voceira de Familia, voceira adxunta da de Incompatibilidades e membro da de Función Pública.
O chantadino Manuel Varela Rodríguez, das de Industria, Turismo e Comercio, sendo voceiro de Comercio; e membro da Xeral das Comunidades Autónomas e de Cooperación Internacional para o Desenvolvemento.
