Abriu o calendario este venres Portomarín, no albergue xuvenil, unha actividade de dinamización lingüística e este sábado haberá un concerto de fados na praza do Camiño, ás 20.00 horas.
Outros concellos do sur de Lugo que disfrutarán dos distintos eventos programados para este mes serán Monforte de Lemos, Quiroga, Pantón e Chantada.
De cara á vindeira semana o Concello de Quiroga ten programados dous espectáculos para público infantil e familiar que se desenvolverán dentro da programación das Festas de Verán na Rúa Real.
Así o sábado día 10 de agosto, na Rúa Real, diante do Auditorio Municipal, instalarase a caravana do espectáculo de maxia “Petit Caravane” a cargo de Animatium en horario de 12:00h a 15:00 h e de 20:00h a 22:00h. Ao longo de cinco horas nenos, nenas e adultos disfrutarán nun pequeno teatro dun espectáculo único e inigualable “O mago máis pequeno do mundo”.
E para o domingo 11 ás 20.00 h. a compañía Fantoches Baj ofrecerá o espectáculo “O Folión de Zampón“, un interesante espectáculo para todos os públicos que se desenvolverá percorrendo a Rúa Real.
