Recentemente, na rúa Caneiro de Monforte, instalouse unha estación de bombeo, nas inmediacións do Club Fluvial, para bombear as augas residuais á rede de saneamento. Dentro destas actuacións, Aqualia vai proceder á execución das obras de renovación da tubaxe de abastecemento de auga potable, que comezarán o vindeiro día 11 de xuño.

As obras consistirán na renovación da tubaxe da marxe dereita nunha lonxitude de preto de 200 metros. Esta nova tubaxe vai ser de poliuretano e de 90 milímetros de diámetro, e nalgún treito, para soportar o peso do tráfico, empregarase tubaxe de fundición cun diámetro de 80 centímetros. Na marxe esquerda empregaranse 60 metros de tubo de poliuretano de 63 milímetros de diámetro.

O Alcalde considera que, “esta é unha obra necesaria que dará solución ós inconvintes que se viñan producindo nesa rúa. Esta obra forma parte da mellora do servizo de auga potable que lle queremos dar á cidade”.