O día 15 de agosto Monforte de Lemos celebra o día grande das Festas Patronais, o día da Patrona, a Virxe de Montserrat. A xornada abriuse con misa e ofrenda floral á Virxe, en San Vicente do Pino, escenario que volverá a ser protagonista ás 00.00 con fogos artificiais.
Hoxe celébrase tamén o Día do Gaiteiro, contando coas formacións Érbedo, Redegaita, O Cego da Veneira, Os Xograres, Merenzao e Lemavos que levarán a música ás rúas, para ás 13.00 concentrarse no centro da cidade. Ás 20.15 farán pasarrúas desde a Compañía ata a Praza de España onde se desenvolverá a Mostra de Danza e Música Tradicional.
Ás 23.30 as barcas engalanadas achegaranse ata o malecón para pouco despois comeza coa sesión de fogos artificiais desde San Vicente. Na Compañía contarase coa orquestra La Oca e o concerto de Blas Cantó ás 00.30
A programación do último día de Festas Patronais en Monforte, o día 16, é a seguinte:
- 12:00 h PASARRÚAS DO GRUPO DE GAITAS DO CONCELLO
- 12:00 h VII FESTIVAL CÓMICO FESTIVO A RÚA É VOSA: PAKOLAS. Espectáculo de animación musical para o público infantil, na rúa Cardenal.
- 13:00 h VII FESTIVAL CÓMICO FESTIVO A RÚA É VOSA: DUELIRIUM. Circo acrobático aéreo na praza de España.
- 19:00 h VII FESTIVAL CÓMICO FESTIVO A RÚA É VOSA: PAKOLAS Espectáculo de animación musical para o público infantil, na rúa Cardenal.
- 20:00 h VII FESTIVAL CÓMICO FESTIVO A RÚA É VOSA: DUELIRIUM. Circo acrobático aéreo na praza de España.
- 23:00 h VERBENA NA COMPAÑÍA COA ORQUESTRA PANORAMA.
- 00:00 h FOGOS ARTIFICIAIS DE AUGANO PASEO DO MALECÓN
- 00:30 h VERBENA coa orquestra PANORAMA
- 02:30 h CONCERTO DO GRUPO SR. ALIAGA NA COMPAÑÍA
Tralas Festas, volei
Do 19 ao 23 de agosto Monforte acolle a sexta edición do Campus de Voleibol Ribeira Sacra, que se celebrará no pavillón municipal da Pinguela. O campus está dirixido a nenos e nenas de 7 a 16 anos e terá lugar en horario de 10:00 a 13:30.
Debido ó número de inscritos e á variedade de idades e nivel técnico dos participantes, o Campus contará cun amplo equipo de adestradoras internacionais e do propio club, coordinados por Manolo Martínez, entre as que estarán a actual adestradora de categorías inferiores do club Yoraxi Meleán, ou a xogadora internacional Carolina Camino. Completarán o plantel de adestradores Rebeca Krusse, tamén internacional, Oriol Aira e Noelia López. Deste xeito garantirase que a formación dos pequenos sexa a idónea.
