O Concello da Pobra do Brollón convida a veciños, veciñas e visitantes a unha xornada de maxia para gozar en grupos reducidos, dun xeito próximo e en diferentes sesións ao longo deste domingo 18 de agosto.

O escenario é un tráiler que estará aparcado na área recreativa de Samugueiros e que ofrecerá aos interesados/as a posibilidade de ver diferentes artistas en dúas funcións de mañá, ás 12:00 e ás 13:00 h., e catro de tarde, ás 18:00, 19:00, 20:00 e 21:00 h. A entrada é de balde previa recollida de invitacións no “magomóbil”.

A proposta escénica chámase “Maxia no Camiño” e contará coa participación do Mago Antón, Javier Muro e Román García.

Trátase dunha iniciativa da Asociación de Magos Profesionais de Galicia subvencionada pola Xunta de Galicia con fondos para promocionar o Xacobeo 2021.