O sábado 16 de xuño, ás 12:00 horas, os nenos e nenas de Monforte e arredores teñen unha cita na Casa da Cultura Poeta Lois Pereiro de Monforte. Os bolechas actuarán para que o seu público máis fiel poida gozar co seu espectáculo “O amigo monte”.

Os Bolechas chegan a unha suposta fraga para ver animais e respirar aire puro. Pero o lugar está cheo de lixo e contaminación. Alí atopan un personaxe pouco amigable, ao que só lle preocupan os cartos e a tecnoloxía.

Ata que os Bolechas –coa axuda do público– lle fan ver a necesidade de manter limpos os bosques e coidar o medio no que vivimos.