A Asociación Cultural Meigas e Trasgos, adicada á música e danza tradicional, organiza un ano máis a cita coa Noite Meiga de Sarria, que terá lugar no Chanto. Esta XLIX edición da Noite Meiga contará co pregón, este sábado 31 de agosto, ás 20.00 de Abraham Cupeiro, para posteriormente proceder á entrega de premios e recoñecementos. Ás 20.45 actuará o grupo de gaitas e os grupos de danzas Garulaxe e Burbulliñas de Meigas e Trasgos. Ás 20.00 terá lugar a cea.
Xa na madrugada contarase con queimada popular no lar social de Meigas e Trasgos. Ás 01.00 terá lugar a mítica Danza da Noite Meiga. E ás 01.30 comenzará o concerto baile con LouBand e Los Mecánicos.
As actividades prolongaranse ata o domindo coa Tardiña Meiga. De 12.00 a 14.00 contarase co taller, a tardiña do tesouro da Bruxa Piruxa. A Festa da Empanada terá lugar de 14.00 a 17.00 e ao remate o Mago Lolo presentará o seu espectáculo infantil. As propostas da Noite Meiga comezaban xa este venres coas actuacións de Malditos Roedores, Taninos Maduros e Noel Durán.
