O inicio tivo lugar o pasado mércores e a sesión deste venres 6 de setembro, así como os adestramentos matinais da vindeira semana, corren a cargo da adestradora Yoraxi Melean. Estas primeiras sesións estanse a realizar nas instalacións do Club Fluvial monfortino, ao cal o CV Ribeira Sacra agradece a súa total disposición e xenerosidade.

O traballo físico anterior é un complemento para os equipos de Primeira División, que xunto co resto de equipos está a ter continuidade en sesións de tarde dende o xoves 5 de setembro no Pavillón Municipal da Pinguela na parte máis técnico-táctica.

Os adestramentos da actual pretempada realizaranse, como o pasado ano, en sesións vespertinas todos os martes, xoves e venres e o traballo físico complementario materializarase nestas duas primeiras semanas ata que comencen as clases lectivas das xogadoras.