Os comercios asociados do ACES-CCU Sarria -Asociación de Comerciantes, empresarios, Profesionales e Autónomos- repartirán bonos gratuítos entre os seus clientes co obxecto de que estes poidan deixar os nenos e/ou nenas nalgún nos locais de ocio “40más1” ou “Ocio Park” mentres realizan as súas compras.
Os bonos serán canxeables por unha hora os venres e sábados en horario de tarde, de 17:00 a 20:00 horas, para nenos e nenas con idades comprendidas entre os 2 e os 12 anos.
Este servizo de atención e entretemento para os máis cativos, que durará do 10 de setembro ata o 15 de outubro, pretende que as familias poidan realizar as súas compras na vila de Sarria e que o fagan con máis tranquilidade.
Con esta campaña, que comezou o pasado 10 de setembro, trátase de premiar a fidelidade dos clientes do CCU intentando mellorar a oferta de servizos que contribúan a favorecer as compras e o consumo de proximidade.
