O alumnado de 1º ESO do IES A Pinguela vén de realizar unha saída ó monte á busca de cogomelos co profesorado do departamento de Bioloxía. Os rapaces atoparon multitude e diferentes clases de setas, que foron anotando e clasificando no seu caderno de campo. Na entrada do centro pódese ver unha mostra dos exemplares recollidos.
E o Concello de Bóveda organiza un ‘Magosto de medo’ para este venres, 8 de novembro. A cita comezará ás 16:30 horas no Centro Sociocultural. Ademais de castañas, haberá xogos, música, un obradoiro de pintacaras e un concurso de cabazas con premios para as mellores preparadas.
Anímase a todos e todas as participantes a acudir disfrazados, “deixar o medo na casa” e presentar as cabazas para alumar a Casa da Cultura. Con esta actividade o concello celebra o seu magosto e o Samaín.
