HomeMedio ambiente e PatrimonioUU.AA. pide atallar a praga de ratas que esnaquiza campos na montaña...

UU.AA. pide atallar a praga de ratas que esnaquiza campos na montaña de Lugo

O secretario xeral de Unións Agrarias, Roberto García, afeou á Xunta de Galicia que non tomase conciencia deste problema.

Publicado o

- Advertisement -

O secretario xeral de Unións Agrarias, Roberto García, demandou este martes en Lugo axudas para combater unha praga de ratas na montaña, sobre todo nos concellos de Triacastela e Pedrafita, que esnaquiza campos.

En rolda de prensa, García afeou á Xunta de Galiciaque non tomase conciencia, a pesar de ser advertida na primavera, deste problema que noutras comunidades autónomas como Asturias, “non só se resolveu o problema para que non tivese incidencia na PAC, senón que se xerou unhaaxuda extraordinariaa aquelas persoas que tiveron estes danos”, indicou.

Polo seu lado, o responsable na comarca de Sarria de Unións Agrarias, Miguel Tomé, lembrou que a praga afecta “a Triacastela, e á parte limítrofe con ese municipio, como Pedrafita do Cebreiro, estendéndose ás zonas máis baixas de Cervantes e tamén Samos, en definitiva o que é a montaña de Lugo“.

Tomé, tras a resposta da Xunta que fala de topos e non de ratas, dixo que “dá igual”. “E imos aceptar que lles chamen ratas, topos, topitosou tapitas, o que teñen que dar é unha solución ao problema”, reivindicou. “O que non son é animais de compañía”, apostilou García.

Tamén aludiu a que algún veterinario dixo que se trata dun “tema cíclico”.“Se é un tema cíclico, que temos que asumir como tal, alguén lles terá que explicar aos gandeirosda zona que cada x anos lles van dar unha axuda para que poidan sentar no seu sofá, non poidan cultivar as súas terras, non poder sacar o gando a pastorear porque van ter esas ratas e non lle van dar ningún tipo de solución”, sinalou Tomei.

Finalmente, Roberto García vaticinou que este se acabará convertendo nun problema que teñan que asumir os concellos, “como ocorreu coa avespa velutina ou cos xabarís e agora isto”. “Cando está a empezar (a praga) hai medios para poder facelo, pero, unha vez que se desborda, o custo é moi superior“, concluíu o secretario xeral de UU.AA..

ÚLTIMAS

Quiroga presenta un amplo programa para celebrar a súa XLIII Feira do Viño

O programa ábrese o venres día 18 coa cata de espumosos, que se desenvolverá...

Convócase o Concurso de Atletas e Clubs máis destacados do ano 2024 no concello de Monforte

O concello de Monforte convoca o Concurso para determinar os/as atletas e clubs máis...

Xornadas divulgativas sobre as escavacións no Monte Cido

Arias participou na inauguración das xornadas divulgativas sobre as escavacións no Monte Cido, onde...

O campo de fútbol da Pinguela estreou parasois no partido deste domingo

O Campo Municipal de Fútbol da Pinguela conta cunha bancada nun dos seus laterais....