Unha persoa necesitou ser excarcerada despois de sufrir unha saída de vía en Monforte de Lemos, nun accidente na N-120 ao paso pola parroquia de San Martiño de Bascós.

O 112 Galicia foi alertado sobre as 8,30 horas. Foron avisados, entre outros, bombeiros de Monforte e 061. A persoa ferida foi trasladada a un hospital.

Co fin de restablecer as condicións de seguridade na vía na que ocorreu o accidente tamén interviñeron os axentes da Garda Civil de Tráfico.