O grupo municipal EspertaMonforte! asegura que este concello necesitaba aprobar un regulamento orgánico municipal. Sen embargo, amosan o seu rexeitamento ás formas no que se presentou o regulamento e ao contido do mesmo.

Este grupo municipal considera que sería de rigor facer unha alegación á súa totalidade, polo motivo de non ter convocados ao resto dos grupos para elaborar este regulamento, “que afecta a todos e vai determinar a organización plenaria de aquí en diante”.

Dende EspertaMonforte! consideran que este regulamento debería servir para conciliar a vida municipal, e non para entorpecer a labor dos grupos que non están a gobernar en cada momento.

Segundo esta formación política, co regulamento que se presentou, “estase pretendendo restrinxir a capacidade de intervención dos grupos da oposición, limitando o número de mocións presentadas a dúas por pleno (aspecto co que poderíamos estar dacordo salvo en temas de urxencia), pero o que nos parece gravísimo e limitar tamén o número de rogos e preguntas, e incluso restrinxindo a forma de presentalas”.