O alcalde do Saviñao, Carlos Armesto, adianta que “será unha plataforma de transparencia da nosa actividade e tamén un modo de poñerse en contacto co Concello”. “A idea, en definitiva, é que todo o que xestionemos teña visibilidade nos veciños. A eles nos debemos e eles deben ser os principais destinatarios de todo o que fagamos”, insiste.

“É, un paso máis, sinala o rexedor, para “estar a pé de rúa e ser o máis transparentes posibles, así como un escaparate para dar a coñecer todo que temos, que é moito e bo”, dí o alcalde.

Os avances dixitais levan aparellados cambios na maneira de conectarse e informarse, modificacións no comportamento e no fomento da innovación, así como as estratexias para un desenvolvemento sostible e responsable. “Somos escaparate turístico, gastronómico, cultural e patrimonial da Ribeira Sacra. Coas nosas contas de RRSS agardamos aumentar precisamente a difusión do noso municipio, das actividades que organicemos e da xestión que levemos a cabo. Este é o obxectivo e nisto seguiremos traballando”, conclúe Armesto.