As instalacións da Escola Obradoiro contan con máis de 30 anos de historia. En novembro do 2018 desenvolveuse a primeira fase da rehabilitación, substituíronse os módulos prefabricados existentes por dúas edificacións en planta baixa. No propio proxecto de renovación das instalacións, foi reflexada a adaptación dunha aula destinada a uso das tecnoloxías da información e da comunicación (TIC’s). Para elo, a través do desenvolvemento do itinerario formativo “fábricas de albanelería” deixárase feito a través dun dos módulos a pre-instalación de sistemas de comunicación.

A segunda fase do obradoiro, que se vén de iniciar, conta cunha subvención de 336.446 euros, dos cales o Concello de Monforte aporta 49.605 euros. Os traballos finalizarán o 1 de setembro de 2020.

Esta 2ª Fase do Obradoiro de Emprego leva por título Acondicionamento das instalacións da escola obradoiro da Pinguela. Concretamente, formaranse nel 20 alumnos e alumnas, dos cales 12 persoas van realizar traballos de albanelería e outras 8 encargaranse das tarefas de fontanería.

O Alcalde apuntou que “con este Obradoiro dual de Emprego creamos 25 postos de traballo durante 9 meses; o grupo estará formado por 20 alumnos e alumnas, 2 monitores, un director unha administrativa e proximamente un monitor de educación compensatoria”.

Unha vez rematado o obradoiro, destacou o Alcalde que “8 alumnos van ter a posibilidade de formalizar contratos de traballo en prácticas, a xornada completa e durante de 3 meses en empresas de Monforte. Polo tanto, este é un Obradoiro con compromiso de contratación”. Para esta fase, que ten por obxectivo promover a inserción laboral dos alumnos en empresas privadas, o Concello solicitou á Consellería unha axuda de 12.000 euros.