Este sindicato lembra que no ano 2007 creouse unha comisión encabezada por Tomé, daquela tenente de alcalde de Monforte, Ovidio Pérez e Ramiro Vila -representantes da CEL (Confederación de Empresarios de Lugo)- e o sindicato U.G.T. para entrevistarse co secretario xeral de Infraestruturas cando estaba como ministro José Blanco.  Daquela a misión era presionar para que o trazado da futura A-76 pasara por terras monfortinas.

Recuperando ese momento histórico, dende CC.OO. piden que Tomé Roca se poña ao frente dunha comisión na que formen parte alcaldes dos concellos afectados polo mal estado da N-120, principal vía de acceso do sur lucense, representantes da CEL e sindicatos representativos; e todo co fin de presionar ao Goberno Central de cara a conseguir un arranxo estrutural desta estrada ou a activación do proxecto da A-76.