O PP de Monforte asegura que o alcalde José Tomé Roca puido solicitar a axuda de rehabilitación de antigas casas dos mestres, doutros edificios e vivendas de titularidade municipal posto que o concello conta con menos de 20.000 habitantes e sen embargo, non o fixo. Posteriormente, as vivendas serían destinadas para o alugueiro de familias con ingresos inferiores a 2.5 veces o indicador público de renda de efectos múltiples (Iprem).

Os populares manifestan que o alcalde “pon en evidencia a falta de traballo e o desinterese por mellorar a calidade de vida dos veciños, sobre todo daqueles que máis o precisan. Prefire ter vivendas baleiras, deshabitadas e sen rehabilitar, antes que facer os deberes e pedir as subvencións como fan outros concellos”. Finalmente lembran que, “en Sober, esta rehabilitación vaise levar cabo” como xa informou o  XdL.