Estamos na véspera de Nadal e o persoaxe máis famoso do Courel baixa a Monforte para animar as rúas da cidade e ter un encontro cos máis pequenos e pequenas na Praza de Abastos.

O percorrido comezará na Praza dos Condes de Monforte, ao redor das 11:00 h., e rematará ás 12:00 h. no espazo indicado, lugar onde contará historias e atenderá aos nenos e nenas.

No percorrido e actuación posterior irá acompañado do músico Servando Barreiro, que poñerá música e cantos, e do ‘burriño Caramulo’ de madeira de bidueiro que tanto chama a atención.

Esta actividade forma parte do programa de actividades que organiza o Concello de Monforte este Nadal.