O día 28 de decembro o Apalpador baixará das montañas do Courel para recibir a visita dos pequenos e pequenas que queiran velo e trasladarlle os seus desexos. Entregará aos presentes unhas fardelas de castañas secas e algúns agasallos.
O punto de encontro será unha pequena cabana que hai na entrada da Devesa da Rogueira, a menos dun quilómetro da Aula da Natureza que hai en Moreda -Seoane-. Alí, a carón do lume e ben abrigado, estará ás 17:00 h. para compartir o seu tempo cos que se acheguen.
A continuación, sobre as 18:00 h. haberá unha actuación de maxia na Escola de Moreda a cargo do mago Samuel Moreno, un rapaz que vai para crack e que xa estivo de concursante no programa de televisión “Got Talent”. Despois da maxia, merenda e chocolatada para todos e todas.
Organizan esta actividade o Concello de Folgoso do Courel coa colaboración da Asociación Fonte do Milagro.
