Neste 2020 o Concurso adquire unha nova dimensión coa incorporación da Deputación de Ourense e os concellos de Monforte de Lemos, Sober, A Pobra do Brollón, Chantada, Bóveda, Pantón e O Saviñao e pasa a chamarse Semente Ribeira Sacra.

O Concurso ten por obxecto incentivar proxectos empresariais, con especial atención aos proxectos innovadores e con preferencia aos vinculados co territorio Ribeira Sacra, para desenvolver o medio rural e a posta en valor dos seus recursos; pero ábrese a calquera persoa física de calquera lugar do mundo que teña unha idea empresarial.

Ata o 16 de febreiro está aberto o prazo de presentación de ideas, a través da web sementeribeirasacra.org. A inscrición é de balde. O 1 de marzo publicarase o nome das dez ideas que o xurado considere de maior interese conforme aos obxectivos do concurso.

A estrutura da presentación da idea debe contar con:

• Título do proxecto (20 palabras para resumir de que trata a iniciativa)
• Descripción xeral (300 palabras para describir do modo máis eficaz en que consiste a iniciativa)
• Oportunidade do proxecto (150 palabras para responder á pregunta “¿por que debería invertir no proxecto?” Neste apartado é necesario ter clara cal é a necesidade que cobre o produto ou servizo.
• Puntos fortes do proxecto (150 palabras que conteñan a información DAFO)
• Descrición temporal da formulación e implantación do proxecto (150 palabras para explicar as fases, prazos e outros compoñentes de tipo temporal para a formulación e implantación do proxecto).

As ideas seleccionadas presentarán antes do 17 de Abril do 2020, o proxecto rematado, achegando arquivos PDFmediante formulario na intranet de concursantes da web www.sementeribeirasacra.org.

O 9 de Maio de 2.020, os 10 candidatos deberán defender o seu proxecto diante do xurado, formado polas empresas patrocinadoras, institucións colaboradoras e dous membros da Asociación Semente Monforte. O fallo e a entrega de premios farase nunha cea-gala que se celebrará en Monforte de Lemos esa mesma noite.

O Concurso aumenta a dotación dos seus premios e para esta edición contarase cos seguintes premios:

• 1º Premio – 10.000€
• 2º Premio – 7.000€
• 3º Premio – 3.000€

2020, un ano especial para Semente Ribeira Sacra

O incremento de empresas patrocinadoras e a incorporación de concellos da Ribeira Sacra e da Deputación de Ourense levou a que o Concurso pasara a chamarse Semente Ribeira Sacra. Amplíase tamén, neste ano, a contía dos premios e estréase web.

A nova web sementeribeirasacra.org ofrece a información completa e bases do Concurso de Proxectos Empresariais, así como a posibilidade de inscribirse, presentar as ideas e os proxectos a través da web. Unha web que ademais se abre para chegar a máis lugares, unha vez que a convocatoria ten carácter internacional.