HomeEconomíaO Incio aproba uns orzamentos de 1.811.000 euros

O Incio aproba uns orzamentos de 1.811.000 euros

O Concello do Incio vén de aprobar en pleno, os Orzamentos municipais para o ano 2020, que ascenden a 1.811.000 euros, preto de 400.000 euros máis que os do ano anterior, un 29% máis. 

Publicado o

- Advertisement -

O incremento nas contas vén motivado, tal e como explica o rexedor, Héctor Corujo, polo incremento dos ingresos reais respecto ao previsto no exercicio de 2019, e a previsión do incremento nas transferencias correntes por mor do crecemento económico. En concreto, vanse destinar 356.776,06 euros a investimentos reais.

Mantéñense os servizos públicos básicos como, a recollida e tratamento de residuos, a iluminación pública ou o mantemento das zonas axardinadas. Mantéñense tamén os servizos sociais, que se verán reforzados, xa que o Goberno local considera que nestes momentos, os maiores, así como os dependentes, son os que máis apoio necesitan.

No ámbito cultural e deportivo inclúese unha subvención nominativa co fin de promover o deporte entre os nenos e as nenas do Concello e vaise seguir apoiando ás asociacións para que poidan realizar as súas actividades.

Procurarán novas axudas económicas doutras administracións públicas, o que vai permitir incrementar a realización de obras como acontece coa achega do IDAE para a renovación da iluminación pública de todo o termo municipal, que ascende a 417.982,40 euros. As contas recibiron o voto favorable do Grupo Municipal do PP e o voto en contra do Grupo Municipal do PSOE.

ÚLTIMAS

XVII edición de “Estase Cocendo” en Monforte

Esta tarde presentábase en Monforte unha nova edición do "Estase Cocendo", unhas xornadas gastroturísticas...

Pantón acolle a primeira proba do Campionato de España de Enduro este 15 e 16 de marzo

No acto de presentación deste mércores estaban presentes na presentación do acto, Javier Quintas...

150 participantes na 2ª proba do Campionato Galego de Voleibol Benxamín e Prebenxamín que se celebra este 15 de marzo no Pavillón da Pinguela

A Tenente de Alcalde, Gloria Prada, acompañada polo Director Deportivo da Federación Galega de...

‘As Alumnas’, obra de teatro para conmemorar o 8M en Monforte

Dentro da programación da Rede Galega de Teatros e Auditorios, e enmarcada na programación...