Entre os meses de xullo e agosto vanse celebrar os ciclos de visitas guiadas a diferentes puntos de interese da localidade.
As rutas turísticas vanse centrar na visita ó Castro de San Lourenzo no cal se está a levar a cabo a cuarta campaña de excavación. Durante a visita, ademais de poder achegarse ó traballo arqueolóxico e ás últimas novidades, os turistas farán un percorrido polo 2.000 anos de historia do lugar.
A Cova das Choias é outros dos puntos clave nesta iniciativa. É un dos elementos máis emblemáticos do Concello no que se alberga patrimonio natural e cultural. Nela pódese comtemplar o musgo “schistostega pennata”. Unha especie vexetal con filamentos que reflexa luz verde esmeralda dando a impresión dun efecto luminiscente, facéndoo unha especie rara a nivel mundial.
A terceira visita organizada é a Repil. Esta pequena localidade sita en Vascós, os visitantes poderán coñecer de primeira man a Batalla de Repil do 49. Alí foron abatidos 4 guerrilleiros pola Garda Civil. Seguidamente percorrerase a ruta de fuxida do Segura, un supervivente do conflicto.
Outra peza emblemática da Pobra do Brollón é María Castaña. Na parroquia de Cereixa farase unha visita ós sitios emblématicos desta figura ademais de visitar a Igrexa, a Casa do Ramau, a casa de Alende e o Castro de San Lourenzo.
Finalmente, a quinta ruta é Vilachá. Os alí presentes coñecerán de primeira man a historia das bodegas de viño, o Mirador da Capela e a viticultura da Ribeira Sacra. Neste percorrido, os asistentes poderán gozar dunha cata de viños e pinchos.
HORARIOS E PUNTOS DE ENCONTRO
- Visita ó Castro de San Lourenzo: de martes a martes ás 11:00 horas. Punto de encontro. Ó pé do cartel do Castro.
- Visita a Cova das Choias: de martes a venres ás 18:00 horas. Punto de encontro. Diante do cuartel da Garda Civil da Pobra do Brollón.
- A fuxida do guerrilleiro, Repil: os sábados ás 11:00 horas. Punto de encontro. Repil.
- Un paseo polos tempos de María Castaña: os sábados ás 17:00 horas. Punto de encontro. Restaurante O Fogón.
- Os domingos de Vilachá: os domingos ás 11:00 horas. Punto de encontro. Adegas de Vilachá.
Para reservar data, os interesados deberán chamar ó teléfono 666.43.58.32
