O Centro Comercial Urbano de Monforte informa aos asociados e á cidadanía das medidas que decidiron tomar para afrontar a crise sanitaria do COVID19:

• Suspéndense os servizos de atención presencial na sede da asociación. As consultas poderán ser atendidas no teléfono 982 404 767 e a través das nosas canles nas redes sociais Facebook, Instagram ou Twitter. Ademais, no caso das persoas asociadas, seguirán recibindo a información facilitada desde a asociación, e poderán seguir en contacto coa xerencia,
• Quedan suspendidas todas as campañas de dinamización comercial organizadas desde esta asociación ata que todos os nosos asociados poidan retomar as súas actividades con enteira normalidade.
• Cancélase o pago da cota do mes de marzo asumindo un importante gasto non previsto e atrasarase a cobranza das cotas do primeiro semestre de 2020 (correspondentes ao período entre o 1 de novembro de 2019 e o 30 de abril de 2020) polo menos ata principios do mes de xuño de 2020, momento no que se fará efectiva dita redución temporal da cota.
• Estableceranse contactos cos representantes do Concello co ánimo de valorar as posibles medidas que desde o goberno local póidanse levar a cabo para minimizar o impacto desta crise sanitaria nun sector de vital importancia para a economía de Monforte de Lemos.
• Consideramos insuficientes as medidas anunciadas polo Goberno, nunha primeira valoración, ao botar en falta medidas que consideramos esenciais no contexto actual para a protección dos traballadores autónomos e os seus empregados tales como a anulación INMEDIATA das cotizacións e as cotas de quen viu cancelada plenamente a súa actividade ou a tivo que reducir ao mínimo.
• Recomendamos aos asociados que estean a pagar un aluguer polos locais onde desenvolvan a súa actividade que, ante esta situación de extrema gravidade que fai perigar a viabilidade de moitos negocios, tenten negociar cos propietarios de devanditos locais rebaixas do aluguer, polo menos mentres dure esta situación excepcional.
• Como todos sabemos ninguén obriga ao arrendador a rebaixar temporalmente a renda dun contrato en vigor pero desde esta asociación apelamos á súa “solidariedade” en tempos difíciles para todos e lembramos que de non facelo corren o risco de non cobrar nun contexto excepcional no que os procedementos de desafiuzamento permanecerán suspendidos.

Aseguran desde o CCU “ser plenamente conscientes das dificultades que se están vivindo nunha situación especialmente complexa como esta e aproveitamos a ocasión para transmitirvos a nosa intención de seguir traballando duro polo colectivo, se cabe con máis forza aínda, para tentar minimizar na medida das nosas posibilidades os efectos desta virulenta crise sanitaria co convencemento de que coa unión e a forza de todos nós.